മധുരം കിനിയുന്ന വാക്കുകൾ മൊഴിയണേ
മന്ദസ്മിതം തൂകി മുന്നിൽ നടക്കണേ
മാന്യത നോക്കിലും വാക്കിലും കാക്കണേ
മാതൃകാ ജീവിതം നയിക്കാൻ ശ്രമിക്കണേ
മാതാവിൻ മടിത്തട്ടിൻ നാളുകളോർക്കണേ
മാതൃപാദത്തിൽ സ്വർഗത്തെ തേടണേ
മാന്യ പിതാവിനെ സാദരം കേൾക്കണേ
മഹനീയ സ്ഥാനം വകവെച്ചു നൽകണേ
മക്കളെ സ്നേഹിച്ചു മാറോട് ചേർക്കണേ
മതത്തിൻ അദബുകൾ നിത്യം ശീലിപ്പിക്കണേ
മനുഷ്യന്റെ കഷ്ടത നീക്കാൻ ശ്രമിക്കണേ
മനസ്സുകൾ ഒന്നിക്കാൻ മുന്നിട്ടിറങ്ങണേ
മാറുന്ന ലോകത്തിൻ മാറ്റമുൾക്കൊള്ളണേ
മതത്തിൻ അതിർത്തികൾ മായാതെ നോക്കണേ
മരണം വരും മുമ്പ് സുകൃതങ്ങൾ കൂട്ടണേ
മണ്ണായ് മാറും നാം മനദാരിൽ ഓർക്കണേ
മഹദ് വചനങ്ങൾ നിത്യവും കേൾക്കണേ
മനം നീറി റബ്ബോട് കരുണക്കായ് കേഴണേ
മണി മണിയായ് ഉപദേശം നൽകാൻ എളുപ്പമാം
മനസ്സിൽ ഒരിത്തിരി ഞാനും പകർത്തണേ
🌷🌷🌷🌷🌷🌷🌷🌷🌷
... മുഹമ്മദ് കുട്ടി
No comments:
Post a Comment