* പ്രവാസം

* പ്രവാസം
🌸🌸🌸🌸🌸🌸🌸
എൻ്റെ ചെറുപ്പ കാലത്ത്
നാട്ടിൽ ഒരു ഗതിയും പരഗതിയും ഇല്ലാത്തവൻ ഒരു ഉംറ വിസക്കെങ്കിലും ഗൾഫിൽ പോയി വന്നാൽ തന്നെ അവൻ നാട്ടിലെ പ്രമാണിയാവുകയും ചെറ്റകുടിലുകൾ കൊട്ടാരമാവുക്കുകയും ഏത് കറുത്തവനും വെളുത്ത് സുന്ദരനാവുകയും അവന് ചിന്തിക്കാൻ കൂടി കഴിയാത്തിടത്ത് നിന്നും വിവാഹവും
യാത്ര ചെയ്യാൻ ആ കാലത്തെ മുന്തിയ തരം വാഹനം കൂടെ നടക്കാൻ കൂലിയും വേലയും ഇല്ലാത്ത കുറേപേരും
തലയിൽ ഒാട്ടയുള്ള തൊപ്പിയും നീലം മുക്കി തേച്ച വെളുത്തഷർട്ടും ഡബിൾ വേസ്റ്റ്തുണിയും ഉടുത്ത് നല്ല മണമുള്ള സ്പ്രേയും അടിച്ച് പോവുന്നത് കാണുംബൊ ഗൾഫ് മാത്രമായിരുന്നു സ്വപ്നം

 ചിലർ സാമ്രാജൃം തന്നെ കൈക്കലാക്കുകയും അതുവരെ നാട്ടിലും  കുടുംബത്തിലും സമൂഹത്തിലും ഒരു നിലയും വിലയും ഇല്ലാത്തവൻ അവനായിരുന്നു പിന്നെ നാട്ടിലെ എല്ലാം
പള്ളിക്കും മദ്രസക്കും സംഭാവനയും കല്ലൃാണ നിശ്ചയത്തിനും മധൃസ്ഥതക്കും കാരണവരായും ഒക്കെ കാണ്ടിരുന്നപ്പൊ ഗൾഫിൽ പോവാൻ തന്നെ ആഗ്രഹിച്ചു

അതിനായി പത്താം ക്ലാസ് കഴിഞ്ഞ ഉടനെ
പതിനാറാം വയസ്സിൽ ഇരുപത്തി ഒന്നിൻ്റെ പാസ്പോർട്ടും എടുത്ത് ഒരു വിസക്കായി അനൃേഷിച്ചു നടന്നു. ഉംറ വിസക്ക് പോവുന്ന കാലമായിരുന്ന അക്കാലത്ത് അതിനും ശ്രമിച്ചു ആ ശ്രമവും നടന്നില്ല.

 കാലങ്ങൾ മുന്നോട്ട് പോയി പാസ്പോർട്ട് ഒരു വട്ടം പുതുക്കി അപ്പോഴേക്കും  നാട്ടിൽ തന്നെ പല ജോലിയും ചെയ്ത് കുഴപ്പമില്ലാത്ത രൂപത്തിലായിരുന്നുജീവിതം.

 എന്നാലും ഗൾഫീന്ന് വരുന്നവരെ കാണുംബോ ഒരു ആശ മനസ്സിൽ വന്നിരുന്നു ആരങ്കിലും പരിചയക്കാരായ  ഗൾഫു കാരെ കണ്ടാൽ ഒന്നു ചോദിക്കും വിസയുണ്ടോ  അപ്പൊ അവരുടെ മറുപടി ഇങ്ങനെയാവും
'''
'''അൻക്കിപ്പൊ  നല്ല സുഖല്ലേഎത്തിനാ ഈനല്ല പണി ഒഴിവാക്കി അങ്ങോട്ട് പോരുന്നത് എന്നായിരുന്നു  മറുപടി

അന്ന് ഞാൻ കരുതി ഞാൻ ഇവരെ പോലെ പണക്കാരനാവുന്നത് കൊണ്ടുള്ള കിബ്റ് കൊണ്ടാണ് ഇങ്ങനെ പറയുന്നത് എന്നായിരുന്നു.

ലീവില് വന്ന ചിലർ തിരിച്ച് പോവുന്ന അവസ്ഥ ആലോചിച്ച്
 വല്ല ഇലക്ട്രിക് പോസ്റ്റിലോ ചീനി മരത്തിൻ ചുവട്ടിലോ ഒറ്റക്കിരുന്ന് ചിന്തിക്കുന്നത് കണ്ടപ്പൊ
അപ്പൊഴും കരുതി ഇവർ ഗൾഫിൽ പോയി പത്ത് കാശുണ്ടായപ്പൊ അതിൻ്റെ ഗമയിൽ ഞമ്മളെ കണ്ടപ്പൊ മിണ്ടാത്തതാണന്ന്..
എല്ലാം തിരിച്ചറിഞ്ഞത് പ്രവാസി ആയപ്പോഴായിരുന്നു.

  കാലങ്ങൾവീണ്ടും മുന്നോട്ട് പൊയി ഇനി ഒരു ഗൾഫ് കാരനാവും എന്ന് ഒരു പ്രദീക്ഷയും ഇല്ലാതെ ചെയ്യുന്ന  ജോലിയുമായി  പോവുന്ന സമയത്താണ് വിസ വന്നെത്തിയത്

അങ്ങിനെ ഞാനും33-ാംവയസ്സിൽ പല പ്രതീക്ഷയും സ്വപ്നം കണ്ട്  ഒരു പ്രവാസിയായി.
 ഗൾഫിലെത്തി ഇപ്പൊ വർഷങ്ങൾ കഴിഞ്ഞു

 നാട്ടിൽ നിന്നും എൻ്റെ മനസ്സിലെ ഗൾഫും പ്രവാസികളേയുമായിരുന്നില്ല ഞാനിവിടെ കണ്ടത്...

ജീവിതാഭിനയത്തിന് അവാർഡ് പ്രകൃാപിക്കുകയാണങ്കിൽ അർഹരായ ഒരു പാട് പെരെ ഞാൻ ഇവിടെ കണ്ടു

ചിലർ ഒരു ലീവ് പോലുമില്ലാതെ യന്ത്രം കണക്കെ പണി എടുക്കുന്നവർ

നാട്ടിൽ കൊട്ടാരത്തിൽ താമസിക്കുന്നവർ മഴ പെയ്താൽ തുള്ളി വെള്ളം പുറത്ത് പോവാത്തതും ഇടിഞ്ഞു വീഴാറായതും നാട്ടിൽ നിന്നും വംശ നാശം സംബവിച്ച മൂട്ട കൂറ പല്ലി പോലത്തെ ജന്തുക്കളുമുള്ള താവളത്തിൽ  താമസിക്കുന്നവർ

വീട്ടിൽ ഒാരോറൂമിലും രാജധാനി കട്ടിലും അറ്റാച്ച്ട് ബാത്തുറൂമും ഉള്ളവർ സമയക്രമം അനുസരിച്ച് കൃൂനിന്ന് പ്രാഥമിക കാരൃങ്ങൾക്കായി കാത്തു നീൽക്കുന്നവർ

നാട്ടിലാവുംബോ ചെറിയ അസുഖങ്ങൾക്ക് പോലും സൂപ്പർ സപെഷൃാലിറ്റി ഹോസ്പിറ്റൽ തേടി പോവുന്നവർ പെനഡോളും ടൈഗർബാമും വേദന സംഹാരികളും വച്ച് അഡ്ജസ്റ്റ് ചെയ്യുന്നവർ

നാട്ടിൽ സ്വന്തം വീട്ടിലേക്കുള്ള ചെറിയ സാധനങ്ങൾ പോലും കൊണ്ട് പോവാൻ കൂലി ക്കാരനെ കൂടെ കൊണ്ട് പോവുന്നവർ ഭാരമുള്ള സാധനങ്ങൾ നാലും അഞ്ചും നിലയുള്ള ബിൽഡിംഗ് മുകളിലേക്ക്  ചുമന്ന് കൊണ്ട് പോകുന്നവർ

നാട്ടിൽ എത്തിയാൽ മീൻ മാർക്കറ്റിൽ നിന്നും മുന്തിയ തരം മീൻ കഷ്ണങ്ങളാക്കി വില പോലും ചോദിക്കാതെ വാങ്ങുന്നവർ സധാരണക്കാൻ്റെ  മത്തിയും വാങ്ങി  മെസ്സ് റൂമിൽ നീന്നും റേഷനിൽ കിട്ടുന്നത് ഭക്ഷിക്കുന്നവർ

 വീട്ടിൽ രാവിലെ പാകം ചെയ്ത ഭക്ഷണം രാത്രി ഭക്ഷിക്കാത്തവർ നാല് ദിവസത്തേക്കുള്ളത്  പാകം ചെയ്ത് ഫ്രഡ്ജിൽ വച്ച് കഴിക്കുന്നവർ

നാട്ടിലെ നേർച്ചയിലും മറ്റും വിതരണം ചെയ്യുന്ന ഭക്ഷണ സാധനങ്ങൾ വാങ്ങാൻ മടിക്കുന്നവർ റമളാനിൽ  സൗദികൾ വിതരണം ചെയ്യുന്ന  ചോറിനായി  വരി നിൽക്കുന്നവർ

നാട്ടിലെ ഹോട്ടലിൽ നിന്നും അര ചായ കുടിക്കുന്നവർ ബൂഫിയയിൽ നിന്നും ഒരു ചായയും ഒരു പ്ലാസ്റ്റിക് ഫ്രീ ക്ലാസ്സും വാങ്ങി ഒര് ചായ രണ്ടണ്ണമാക്കുന്നവർ

നൂറ് അടി പോലും നടക്കാത്തവർ ഏത് പൊരിവെയിലത്തും കിലോമീറ്റർ ദൂരം റോഡീലൂടെ നടന്ന് ലക്ഷൃ സ്ഥാനത്ത് എത്തുന്നവർ

കച്ചവട തിരക്കിൽ പെരുന്നാൾ പോലും ആഘോഷിക്കാതെ പണി എടുക്കുന്നവർ

നാട്ടിൽ വച്ച് നല്ല ചുറു ചുറുക്കോടെ കണ്ടിരുന്ന ചിലരെ കണ്ടാൽ  തിരിച്ചറിയാത്ത വിതം ആകെ നരച്ച് പ്രായമായവരെ പോലെ തോന്നിക്കുന്നു
നാട്ടിലെ വായാടികൾ ഇവിടെ പഞ്ച പാവങ്ങൾ

ഇതൊക്കെ കാണുംബോൾ വടി കൊടുത്ത് അടി വാങ്ങിയവൻ്റെ അവസ്ഥയായിരുന്നു എൻ്റെത്

ഉള്ള ജോലിയും സുഖവും വലിച്ചെറിഞ്ഞ് കാരാഗ്രഹത്തിലെത്തപ്പെട്ടവൻ്റെ അവസ്ഥ

പല വട്ടം തിരിച്ച് പോരാൻ ശ്രമിച്ചു ഗൾഫിലേക്ക് പോന്ന ബാധൃത ആലോചിച്ച് പിടിച്ചു നിന്നു ഇവിടെ വരെ എത്തി.
ഇപ്പൊ ഗൾഫ് വിട്ട് പോവുന്നതിനെ കുറിച്ച് ചിന്തിക്കാൻ വയ്യാത്ത അവസ്ഥയിലും.

കുറച്ച് കാലത്തെ പ്രവാസത്തിനിടക്ക് ഇതിൻ്റെ ഒക്കെ മറ എന്താണന്ന് ഞാനും പഠിച്ചു നല്ലൊരു നടനായി.

 എന്നാലും ഒരുസംശയം ഇപ്പഴും ബാക്കിയായി നിൽക്കുന്നു

ഒന്നും ഇല്ലാത്തവൻ ഗൾഫിലെത്തി പെട്ടന്ന് ഒരു വർഷം കൊണ്ട്  തന്നെ നാട്ടിലെ വലിയപണക്കാരനായിരുന്നതിൻ്റെ ഗുട്ടൻസ് എങ്ങിനെ ആയിരുന്നു എന്നത് ഒരു ചോദൃ ചിഹ്നമായി അവശേഷിക്കുന്നു ⚫
😍😍😍😍😍😍😍
kmk