സ്നേഹം പകരുന്ന എന്റെ ദേശം🌿 ഇന്ത്യൻ സ്വാതന്ത്ര്യസമര കാലത്തെ പോരാട്ടങ്ങളുടെ കഥയുണർത്തുന്ന മർഹൂം മുഹമ്മദ്‌ അബ്ദുറഹിമാൻ സാഹിബിന്റെ നാമം കൊണ്ട് അന്തസുറ്റ എ ആർ നഗർ പഞ്ചായത്തിന്റെയും ചേറൂർ ശുഹദാക്കളുടെ ആത്മീയ ചൈതന്യം കൊണ്ട് ചരിത്ര പ്രകാശം വിതറിയ വേങ്ങര പഞ്ചായത്തിന്റെയും വിരിമാറിൽ ഹരിത ഭംഗി നിറഞ്ഞു നിൽക്കുന്ന കക്കാടം പുറം. ദേശീയപാതയിൽ നിന്ന് കറുപ്പ് വിരിച്ച പുരോഗമന പാതയിലൂടെ ഒന്നര കിലോമീറ്റർ കിഴക്ക് സഞ്ചരിച്ചാൽ പുതിയ കാലത്തിന്റെ പുത്തനുണർവും പഴമയുടെ പെരുമയും സംഗമിച്ച ആ നന്മ നിറഞ്ഞ നാടിന്റെ ഹൃദയം തൊട്ടറിയാം. ആ സുന്ദര ദേശത്തിന്റെ ഇരുവശവും പച്ചവിരിച്ച വയലുകളും തോടുകളും എന്നും കണ്ണുകൾക് കുളിർമ നൽകുന്ന കാഴ്ചകളാണ്.. മഴവർഷിക്കുന്ന മാസങ്ങളിൽ നിറഞ്ഞ് കവിഞ്ഞൊഴുകുന്ന തോടുകളും പഞ്ചായത്ത് കുളങ്ങളും പള്ളിക്കുളങ്ങളും ഇന്നും ബാല്യങ്ങൾക്ക് ആവേശനിമിഷങ്ങളെ സമ്മാനിക്കുന്നു. പാരമ്പര്യ ഇസ്ലാമിക മൂല്യങ്ങൾ കാത്തുസൂക്ഷിക്കുന്നതിൽ ജാഗ്രത പുലർത്തുന്ന പല വര്ണങ്ങളുടെയും ആശയങ്ങളുടെയും സംഘടനകളുടെയും കൊടികൾ പാറിപ്പറക്കുന്ന എന്റെ ദേശം പരസ്പര സ്നേഹത്തിന്റെയും മത സൗഹാർദ്ദത്തിന്റെയും കാര്യത്തിലും മാതൃകയാണ്. സാംസ്കാരിക സാമൂഹിക കലാ കായിക പ്രതിഭകൾ വളർന്നു വരുന്ന എന്റെ ദേശത്തിന്റെ ഹൃദയത്തോട് തൊട്ടുരുമ്മി നിന്ന് കൊണ്ട് അത്ഭുത പ്രവർത്തനങ്ങൾ കാഴ്ചവെക്കുന്ന തത്തമ്മക്കൂട് വാട്സ്ആപ് കൂടായ്‌മയും നാടിന്റെ നന്മക്ക് തിളക്കം കൂട്ടുന്നു. പൂർവസൂരികളുടെ വഴിയേ സഞ്ചരിച്ച് ആ പാരമ്പര്യത്തെ നെഞ്ചിലേറ്റിയ കോന്തുനായരും മമ്പുറം തങ്ങളും വച്ചുപുലർത്തിയ സൗഹാർദത്തിന്റെ തനിമ നഷ്ടപ്പെടാതെ തലമുറകളിലേക്ക് കൈമാറ്റം ചെയ്യപ്പെടുന്ന ഒരു രീതി ഇന്നും നാട്ടുകാർക്ക് സന്തോഷ ജീവിതത്തെ അസ്വാധന പൂർണമാക്കാൻ സഹായിക്കുന്നു... മറ്റെല്ലാ ഗ്രാമങ്ങളിലും മാറ്റങ്ങൾ സംഭവിച്ചത് പോലെ എന്റെ ദേശവും മാറിയെങ്കിലും ജാതിമത വേർതിരിവുകൾ ഇവിടുത്ത്‌കാർക്ക് പരിചയമില്ല.. ബാല്യകാലത്തിന്റെ മധുരിക്കുന്ന ഓർമ്മകൾ അകതാരിൽ ഒളുപ്പിച്ചു വെച്ച് ഇന്നീ പ്രവാസത്തിന്റെ സന്തോഷം നിറഞ്ഞ ജീവിതത്തിൽ മനസ്സ് നിറയുമ്പോഴും അറബിക്കടലിന്നപ്പുറത്തെ എന്റെ കക്കാടംപുറം ദേശത്തെത്താൻ മനസ്സ് വല്ലാതെ ആഗ്രഹിക്കുന്നു... നാഥൻ തുണക്കട്ടെ.....
✍🏻 മുജീബ് കെസി
No comments:
Post a Comment