🌹🌹🌹🌹🌹🌹
വീണ്ടും വരുന്നു വിരുന്നുകാരൻ
വിശ്വാസികൾ തൻ കൂട്ടുകാരൻ
വിശ്വം മുഴുക്കെ പറന്നെത്തുന്നവൻ
വിശുദ്ധ മാസം "അഹ് ലൻ യാ റമളാൻ "
ഊതിക്കാച്ചിയ പൊന്നുപോൽ മനസ്സിനെ
ഉലയിലിട്ടടിച്ച് ശുദ്ധീകരിക്കാൻ
പാപക്കറ കൂരിരുൾ തീർത്ത ഖൽബകം
പാടെ കഴുകി പ്രകാശം നിറക്കാൻ
റഹ്മത്തിൻ പെരുമഴ കൈ നീട്ടി വാങ്ങാൻ
റബ്ബിന്റെ ഔദാര്യച്ചിറകിലൊതുങ്ങാൻ
കാത്തിരുന്ന മുഅ'മിൻ ദിക്റോടെ മൊഴിയും
കണ്ണീർ തുള്ളികൾ ശുക് റോടെ പൊഴിയും
നരക മോചനം കിട്ടാൻ അതുല്യാവസരം
നാഥൻ മഗ്ഫിറത്തേകും സവിസ്തരം
ആത്മാവിനാഘോഷം യാ ശഹ്റ റമളാൻ
അടിമകൾക്കാവേശം യാ ശഹ്റ ഖുർആൻ
🍀🍀🍀🍀🍀🍀🍀
മുഹമ്മദ് കുട്ടി അരീക്കൻ
No comments:
Post a Comment