എതിർ പോക്ക്

എതിർ പോക്ക്
➖➖➖➖➖➖
പണ്ട് കാലത്തെ വീടിൻ്റെ ചുമരിൽ ഒരേ ലവലിൽ ദ്വാരം(തുള)കാണാറുണ്ടായിരുന്നു. അന്നൊക്കെ പലരോടും ചോദിക്കാറും  ഉണ്ടായിരുന്നു.അപ്പോഴൊക്കെ പറയും അത് പോകേര്ക്ക് പോവാനാണന്ന്.
അപ്പഴും മനസ്സിലായിരുന്നില്ല പോകേര് ആരാണന്ന്
പിന്നീട് അനുഭവത്തിലൂടെയാണ് അറിഞ്ഞത് 😃

ബസ്സിൽ ജോലി ചെയ്തിരുന്ന കാലത്ത് അധി രാവിലെബസ്സിനടുത്തെത്തുന്നതിന്  വാഹനം ഒന്നും ഇല്ലാത്തത് കാരണം  കൊളപ്പുറം വരെ നടന്നാണ് പോയിരുന്നത്.

വീട്ടിൽ നിന്നും സുബ്ഹ്ക്ക് മുൻപെ ഇറങ്ങും ചില ദിവസങ്ങളിൽ വഴിയിലൊന്നും ആരും ഉണ്ടാവാറില്ല.വെളിച്ചവും ഉണ്ടാവാറില്ല കൈയ്യിൽ

അന്നൊക്കെ കൊടുവായൂരെത്തിയാൽ റോഡിൽ നായകളുടെ ശല്ലൃം ഭയങ്കരമായിരുന്നു.
കള്ള് ഷാപ്പുണ്ടായിരുന്ന അവിടം മുതൽ അരവിന്ദാക്ഷൻ ഡോക്ടറുടെ അവിടെ വരെ ഇവരുടെ വിളയാട്ടമായിരിക്കും.

അങ്ങാടിയിലൊന്നും ശരിക്ക് വെളിച്ചവും ഉണ്ടാവാറില്ല.

നിലാവില്ലാത്ത ദിവസങ്ങളിൽ കൂരാ കൂരിരുട്ടുമാവും റോഡിൽ.

ചില ദിവസങ്ങളിൽ രാഷ്ട്രീയ പാർട്ടികളുടെയും സംഘടനകളുടെയും നോട്ടീസൊട്ടിക്കുന്നവരും ഒട്ടിച്ച നോട്ടീസ് കീറാൻ വന്നവരും ഉണ്ടാവും.
ആ സമയങ്ങളിലാണ് പകൽ ഒരു പാർട്ടിയിലും രാത്രി മറ്റെ പാട്ടിയിലുമുള്ളവരെ കണ്ടിരുന്നതും.

കൊടു വായൂരിൽ ഇറച്ചി മാർക്കറ്റുള്ളത് കൊണ്ടാവാം ഇത്രയധികം നായകൾ ഇവിടെയുണ്ടായിരുന്നത്.

ചില ദിവസങ്ങളിൽ നായകൾ കൂട്ടം കൂടി ആക്രമിക്കാൻ വന്നിട്ടുമുണ്ട്.

ഈ വിവരം വീട്ടിൽ പറഞ്ഞപ്പൊ..എൻ്റെ ഉപ്പ ഒരു മാർഗ്ഗം പറഞ്ഞു തന്നു.
ഒരു ഉണങ്ങിയ മുള കഷ്ണം എടുത്ത് അതിൻ്റെ തല ഭാഗം പൊട്ടിച്ചിട്ട് ഇനി  എന്നും ഈ മുള വടി കയ്യിൽ കരുതാനും നായകളെ കാണുംബോൾ  മുള റോഡിൽ അടിച്ച് ശബ്ദമുണ്ടാകിയാൽ നായകൾ ഒടിമറയും എന്നും  പറഞ്ഞു.

പിന്നെ എന്നും രാവിലെ പോവുംബോൾ മുളയും കയ്യിൽ കരുതി പോവുകയും കുളപ്പുറത്ത് ഇപ്പൊ മത്സൃ മാർക്കറ്റുള്ള അവിടത്തെ പിടിക മറവിൽ വെക്കുകയും രാത്രി തിരിച്ച് വരുംബോ എടുത്തു കൊണ്ടു വരവായിരുന്നു

അതിനു ശേഷം റോഡിൽ നായകളെ കണ്ടാൽ കയ്യിലുള്ള മുള്ള റോഡിൽ തട്ടും ശബ്ദം കേട്ട് നായകൾ ഒാടി മറയും.

മുളയിൽ നിന്നും വരുന്ന ശബ്ദം രാത്രയായത് കൊണ്ട് അലയടിക്കും(എക്കോ)
ഉപ്പ പറഞ്ഞതു പോലെ തന്നെ നായകളുടെ ശല്ലൃം അതോടെ ഇല്ലാതായി.

അങ്ങിനെ ദിവസങ്ങൾ കഴിഞ്ഞു.
ഒരു ദിവസം  രാവിലെ ARനഗറിലെ ബേങ്കിന് മുന്നിൽ കുറെ ആളുകൾ നിൽക്കുന്നു.
ഞാൻ കരുതി എന്തങ്കിലും അപകടമോ മരണമോ എന്തങ്കിലുമാവും എന്ന് കരുതി അനൃേഷിക്കാതെ  പോയി....

അതു കഴിഞ്ഞു രണ്ടുമൂന്ന് ദിവസങ്ങൾക്ക് ശേഷം വീണ്ടും ഇതു പോലെ ആളുകൾ കൂടി നിൽക്കുന്നു.

ഞാനും അവരുടെ അടുത്തേക്ക് ചെന്നു.
പലരും പല അഭിപ്രായങ്ങൾ പറയുന്നുണ്ട്.
അതിൽ അവിടത്തെ ഒരു കാരണവർ മാർക്കറ്റിൽ ആട് കച്ചവടം നടത്തിയിരുന്നഒരാൾ വലിയ ശബ്ദത്തിൽ പറയുന്നത് ശ്രദ്ധിച്ചു.
'''''എൻ്റെ ചെറുപ്പത്തിൽ എൻ്റെ വാപ്പ കണ്ടിട്ടുണ്ട് ഫസലിയ റോഡ് ചൂണ്ടികൊണ്ട് പറയുന്നു.
ഇതൊരു എടായി ആയീനു അന്ന് ഇതിലൂടെ ചൂട്ടും കത്തിച്ച് ഒരാൾ നട്ടപ്പാതിരാക്ക് ഒച്ചയുണ്ടാകി പോയീനു.,,,
അന്ന് ഞങ്ങളാരേയും പൊറത്തിറങ്ങാനയക്കില്ല ൻ്റെ വാപ്പ.

അയാൾ വലിയ കസർത്തിലാണ് .
അപ്പഴും എനിക്ക് കാരൃം മനസ്സിലായില്ല.

അവിടെകുറച്ച് മാറി
 എനിക്ക് പരിചയമുള്ള മാർക്കറ്റിൽ മീൻ കച്ചവടം ചെയ്യുന്ന പരിസരവാസിയുമായ  രണ്ട് പേരെ കണ്ടു.

കയ്യിലുള്ള മുള അടുത്ത ചാംബ്രയിലേക്ക് വലിച്ചെറിഞ്ഞ് ഞാൻ അവരുടെ അടുക്കൽ ചെന്നു കാരൃം തിരക്കി.

കുറച്ച് ദിവസമായി ഈ സമയത്ത് റോഡിലൂടെ എന്തോ റോഡില് ഒരു ശബ്ദം കേൽക്കാറുണ്ട്.
 അന്ന് നായ്ക്കളും കുരക്കുന്നത് കാണാം.

ഞങ്ങൾ കുറച്ച്
ദിവസായി എന്താണിത് എന്ന് അറിയാൻ ശ്രമിക്കുന്നു.

പണ്ട് ഇതിലെ എതിർപോക്കേര്  ഉണ്ടായിരുന്ന സ്ഥലാണേലോ ഇവിടെ...
 അത് കൊണ്ടു എല്ലാവരും കൂടി സംഘടിച്ചതാണ്.

ഇന്ന് കാത്ത് നിന്നപ്പൊ കാണാനും ഇല്ല.

ഇതു കേട്ട്  ഞാൻ ഒന്ന് അംബരന്നു.

മുള റോഡിലൂടെ വലിച്ചു പോവുംബോഴുള്ള ശബ്ദമാവുമോ ഈ പറയുന്ന എതിർ പോക്ക്.

ആ സമയം ഈ വിവരം അവരോട് പറഞ്ഞാലുള്ള അവസ്ഥയോർത്ത് മിണ്ടിയില്ല


 സംബവിച്ചത് എന്താണന്ന് പറയാതെ പതിവ് പോലെ കൊളപ്പുറത്തേക്ക് നടന്നു.

പിന്നീട് അതി രാവിലെയുള്ള ബസ്സ് മാറി വേറെ ബസ്സിലേക്ക് ജോലി മാറ്റി

കുറച്ച് ദിവസങ്ങൾക്ക് ശേഷം മാർക്കറ്റിലേക്ക് മീൻ വാങ്ങാൻ പോയപ്പൊ അന്ന് അവിടെ,കണ്ട പരിചയക്കാരനോട് അന്ന് കേട്ടിരുന്ന ശബ്ദം ഇപ്പൊ കേൾക്കാറുണ്ടോ എന്ന് ചോദിച്ചു

ഏയ്....അതിനുള്ള പണിയൊക്കെ ഞമ്മള് ചെയ്തില്ലേ.....
അത് എതിർ പോക്കേരേയനു പണ്ട് ഈ ശല്ലൃം ഉണ്ടൃാനേലോ....
അന്ന് എല്ലാ പെരമ്മലും ചോരിന് ഒാട്ട ഇട്ടു കൊടുക്കലായിരുന്നു എന്ന് പഴയ ആൾക്കാർ പറഞ്ഞു....

 അതിനു ശേഷം ഞങ്ങളും പോകേര്ക്ക് പോവാൻ വീടിൻ്റെ ചുമരിൽ ചെറിയ ഒാട്ട ഉണ്ടാക്കി കൊടുത്തു. അതിന്ന് ശേഷം ഒരു പ്രശ്നവും ഉണ്ടായിട്ടില്ല എന്ന് അവൻ പറഞ്ഞു.

ഇത് കേട്ട് ഞാൻ ചിരിച്ചു....
ഇജ് കളൃാക്കണ്ട....അവൻ ദേഷൃപ്പെട്ടു  ഇങ്ങളെ പോലത്തെ ആൾക്കാര് പണ്ട് കാലത്തെ ഇങ്ങനത്തെ വിശ്വാസങ്ങളൊക്കെ ഒഴിവക്കി അതിൻ്റെ കുരുത്ത കേടാണ് ഇതൊക്കെ....അവൻ പറഞ്ഞു....
പിന്നെ ഒന്നും പറയാതെ മീനും വാങ്ങി ഞാൻ പോന്നു.........
ഒാരോ വിശ്വാസങ്ങളുണ്ടാവുന്നതേ......
 🙏😄😄😄
➖➖➖➖➖➖➖
  KMK