കോവിഡും പ്രവാസിയും

കോവിഡ്19 എന്ന മഹാമാരി ലോകമാകമാനം വൃാപിച്ചു കൊണ്ടിരിക്കുന്നു.
ആദൃം ചൈനയിലും പിന്നീട് ഇറ്റലിയിലും ശേഷം നമ്മുടെ സംസ്ഥാനത്തും ഇന്തൃയുടെ പല ഭാഗങ്ങളിലും പതുക്കെ പ്രവാസ ലോകത്തും എത്തി......

അതാതു രാജൃത്തെ ഗവൺമെൻ്റുകൾ പ്രതിരോധ പ്രവർത്തനങ്ങളുമായി രാജൃത്തെ ജനങ്ങളുടെ രക്ഷക്കായ് പല മാർഗ്ഗങ്ങളും കൈ കൊണ്ടു....
ലോക്ഡൗൺ പ്രഖ്യാപനങ്ങളും കർഫൃൂകളും നടപ്പാക്കി.....

അപ്പോഴൊക്കെയും ഉറ്റവരെയും കുടുംബത്തെയും വിട്ട്  പ്രവാസ ലോകത്ത് ജോലി ചെയ്യുന്ന ഞാനടക്കമുള്ളവരെകുറിച്ചായിരുന്നു ചിന്ത.....
നാട്ടിൽ 144 പാസ്സാക്കി. ആളുകൾ പുറത്തിറങ്ങരുത് പുറത്തിറങ്ങുവരെ നിയമപാലകർ ശിക്ഷിക്കുന്നതും എല്ലാം സോഷൃൽ മീഡിയ വഴി കണ്ടു കൊണ്ടിരുന്നു......
അപ്പഴും ഇവിടെ വന്നാലുള്ള അവസ്ഥ ഭയപ്പെടുത്തി കൊണ്ടിരുന്നു.
 എത്ര ദിവസം എന്നു വച്ചാണ് ജോലി ഇല്ലാതെ റൂമിലിരിക്കുക......നാട്ടിലെ കാരൃങ്ങൾ....

അതിനിടയിലാണ് പള്ളിയിലെ ജമാഅത്ത് സമയം കുറച്ചു കൊണ്ടുള്ള പ്രഖൃാപനം വരുന്നത്.....
ഒാരോ വക്ത് ഫർള് നിസ്ക്കാരത്തിൻ്റെ ബാങ്കിന്ന് ശേഷവും 25മിനിറ്റ് 30മിനിറ്റിന് ശേഷമായിരുന്ന ഇഖാമത്ത് ബാങ്കിന് ശേഷം ഉടനെ നിസ്ക്കാരം....കൂടാതെ ആരും പള്ളിയിൽ ഇഅ്തിഖാഫിന് പോലും ഇരിക്കാതെ നിസ്ക്കാരം കഴിഞ്ഞാൽ വേഗം പുറത്തു പോവണം...
.
വീണ്ടും രണ്ടു ദിവസങ്ങൾക്ക് ശേഷം സ്വഫ്ഫ്വകൾക്ക് അകലം വർദ്ധിപ്പിച്ചു......

അത് കഴിഞ്ഞു നാലാം ദിവസം ബാങ്കിൻ്റെ ലഫ്ളുകൾക്കിടയിൽ '''സ്വല്ലൂഫീ ബുയൂത്തിക്കും'''നിങ്ങൾ വീട്ടിൽ നമസ്ക്കരിക്കുക എന്നായി......അപ്പഴൊക്കെയും മനസ്സിൽ ഒരു ഭയം എന്തോ സംഭവിക്കാൻ പോവുന്ന ചില ദുസ്സൂചനകൾ.....

അടുത്ത വെള്ളിയാഴ്ച്ച ഇന്ന് ജുമൂഅ ഇല്ല.....പള്ളിയിൽ ബാങ്ക് വിളിക്കുന്ന യമനി ചായക്ക് വന്നപ്പോൾ വളരെ സങ്കടത്തോടെ പറഞ്ഞു.......
അവസാന നാളടുക്കുമ്പോൾ ദീൻ ഉയർത്തപ്പെടും എന്ന് മദ്രസ്സയിൽ ഖിയാമത്തിൻ്റെ അടയാളങ്ങളിൽ പഠിച്ചത് ഒാർമ്മ വന്നത്...അതിനുള്ള കാരണമാണോ പള്ളി കൊട്ടി അടക്കൽ....

ദിവസങ്ങൾ കഴിഞ്ഞു.... ഇന്ന് മുതൽ രാവിലെ 6 മുതൽ വൈകുന്നേരം 7വരെ കടകൾ തുറന്ന് പ്രവർത്തിക്കാൻ പാടുള്ളൂ.....പുതിയ തീരുമാനം...

അടുത്ത ദിവസം അത് ചുരുങ്ങി 6മുതൽ 3വരെ ആയി.....
അപ്പോഴും പൂർണ്ണമായി അടക്കാൻ പറയരുതേ എന്നായിരുന്നു....
അപ്പോഴേകും കൊറോണാ വൃാപനം അധികരിച്ചിരുന്നു

കട മുതലാളിമാർ ഞങ്ങളുടെ സുരക്ഷ കണക്കിലെടുത്ത് കർഫൃൂ തുടങ്ങിയ അന്ന് തൊട്ടെ പറയുന്നതായിരുന്നു പല ആളുകളും വരുന്നതാണ് ഇടപഴകൽ രോഗം വരുത്തും അതു കൊണ്ട് കട അച്ചിടുന്നതാണ് നല്ലത് എന്ന്......
അത് കൊണ്ട് കാരൃമില്ലല്ലോ.....
പ്രവാസിയായ ഒാരോരുത്തർക്കും എന്തെല്ലാം പ്രതീക്ഷയിലാണ് ഇവിടെ ജോലി ചെയ്യുന്നത്  ഈ മാസ ശംബളം കണ്ട് എന്തെല്ലാം തുടങ്ങി വച്ചവരുണ്ട്......വരുന്നിടത്ത് വച്ച് കാണാം....
കുറച്ച് സമയമാണങ്കിലും തരക്കേടില്ലാത്ത കച്ചവടവും നടക്കുന്നുണ്ട്......

പെട്ടന്നാണ് ഇന്നലെ(ചൊവ്വ) രാവിലെ കേൾക്കുന്നു ഇന്ന് മുതൽ 24മണിക്കുറാണ് കർഫൃൂ എന്ന്.......
എന്നാലും പുറത്തിറങ്ങി നോക്കി ആരെങ്കിലും തുറക്കുന്നുണ്ടോ എന്നറിയാൻ
അടുത്തുള്ള ബകാല തുറക്കാൻ ആളെത്തി...ബകാല തുറക്കുന്നതിന് പ്രശ്നം ഇല്ല നിങ്ങൾക്ക് തുറക്കാൻ പറ്റില്ല അദ്ധേഹം പറഞ്ഞു തിരിച്ചു റൂമിലേക്ക് തന്നെ കയറി....
ഇനി എന്തു ചെയ്യും എത്ര ദിവസം എന്നു വച്ചാ ഈ ഇരുത്തം ഉണ്ടാവുക..........നാട്ടിലാണങ്കിൽ കുടുംബത്തോടപ്പം കഴിയാമായിരുന്നു......പ്രവാസി ആയതിന് ശേഷം ആദൃമായാണ് ജോലി ഇല്ലാതെ റൂമിലിരിക്കുന്നത്......
ഇതു പോലെ അനേകം പേർ ഈ അവസ്ഥയിലാണ് ഗൾഫ് കാരനായത് കൊണ്ടു സർക്കാർ ആനുകൂലൃങ്ങൾ പോലും ലഭിക്കാത്തവർ.......
എല്ലാം വേഗത്തിൽ ശരിയാവും എന്ന പ്രതീക്ഷയിൽ സർവ്വ ശക്തനോട് തേടുന്നു.....
-----------------------------------
കുഞ്ഞഹമ്മദ് കെ.എം