ഉണക്ക മീനിനിത്ര രുചിയെന്നറിഞ്ഞത്
പച്ച മീൻ കിട്ടാത്ത കാലമായത് കൊണ്ടാവാം
ചക്കക്കുരുവിൻ്റെ മഹത്വമറിഞ്ഞത്
പച്ചക്കറിക്ക് തീവിലയായത് കൊണ്ടാവാം
കുറിയരിക്കഞ്ഞിയും തേങ്ങാ ചമ്മന്തിയും
കുഴിമന്തിയേക്കാൾ സ്വാദോടെ കഴിക്കുന്നു
കോവിഡ് കാലത്ത് വീട്ടിലിരിക്കുമ്പോൾ
കുട്ടിക്കാലത്തെ ഓർമ്മകൾ തികട്ടുന്നു
മക്കൾക്ക് മദ്രസ പാഠം പഠിപ്പിച്ചപ്പോൾ
മതപഠനത്തിലെൻ്റെ വിവരക്കേടറിഞ്ഞു ഞാൻ
വീട്ടിലെ ഭാരിച്ച ജോലികൾ കണ്ടപ്പോൾ
വീട്ടുകാരിയുടെ കഷ്ടത നേരിട്ടറിഞ്ഞു ഞാൻ
തുണിക്കടയിൽ തള്ളില്ല, മാർക്കറ്റിലാളില്ല
റോഡിൽ തിരക്കില്ല ഫ്ലഡ് ലൈറ്റിൽ കളിയില്ല
ദുനിയാവിൻ അവസ്ഥകൾ മാറ്റുന്നു തമ്പുരാൻ
ദൈവസ്മരണക്കായ് ദൃഷ്ടാന്തമയക്കുന്നു
------------------------------------
മുഹമ്മദ് കുട്ടി അരീക്കൻ
No comments:
Post a Comment