കുഞ്ഞി ചിരുത

കഞ്ഞി വെക്കാനിത്തിരി അരി മേടിക്കണം
കുഞ്ഞിന് പനിയ്ക്കുന്നു മരുന്നും വാങ്ങണം
അഞ്ഞൂറിൻ നോട്ടും അരയിൽ തിരുകീട്ട്
കുഞ്ഞി ചിരുത പതിയെ നടക്കുന്നു
അങ്ങാടിയിൽ ചെന്നു അരിയും മേടിച്ചു
അഞ്ഞൂറ് കണ്ടപ്പോൾ കടക്കാരൻ കോപിച്ചു
അരി തിരികെ മേടിച്ചു ആട്ടി പായിച്ചു
വരി നിന്നോ ബേങ്കിൽ പോയ്
അരിക്കാരൻ പായിച്ചു
പൊരിവെയിലിൽ നിന്നവൾ തീർത്തും അവശയായ്
ഉച്ചകഴിഞ്ഞപ്പോൾ ബേങ്കിൽ പിടിപ്പിച്ച
ഉച്ചഭാഷിണിയിൽ മാനേജർ കിതയ്ക്കുന്നു
ആരുമിനി നിൽക്കേണ്ട പണം തീർന്നു പോയ്
ആരോട് പറയാനവൾ കണ്ണും നിറഞ്ഞു പോയ്
കഞ്ഞിക്ക് കാത്തിരിക്കുന്നു മക്കളും
കുഞ്ഞി ചിരുത തളർന്നു വഴിവക്കിലും
പ്രാകി പറയുന്നു വാവിട്ടു കരയുന്നു അധികാരിവർഗമോ
ഉറങ്ങാതെ യുറങ്ങുന്നു

----------------------------------------
മുഹമ്മദ്‌ കുട്ടി അരീക്കൻ