പള്ളി പറമ്പിൽ നാം ഇടക്കൊന്ന് പോകണം
പൊള്ളുന്ന പാഠങ്ങൾ ഉള്ളിൽ കരുതണം
കള്ളി ചെടികളും മൈലാഞ്ചി തണ്ടിലെ
മുള്ളുകൾ മനസ്സിൽ പോറാതെ നോക്കണം
മീസാൻ കല്ലുകളിൽ കൈയൊന്ന് വെക്കണം
മീതെ 'തണുപ്പോ ചൂടോന്ന് അറിയണം
കീഴെ കിടക്കന്നോരവസ്ഥ യൊന്നോർക്കണം
കനലെരിയും ചിന്തയിൽ മനസ്സ് തപിക്കണം
ഉള്ളിലുറങ്ങുന്ന ഉറ്റവർക്കായി
ഉള്ളുരുകി കേഴണം മോക്ഷം തേടണം
കാലങ്ങളോളം കഴിയേണ്ട ഖബറിടം
കാത്തിരിക്കുന്നു നമ്മെയുംഎന്നോർക്കണം
പള്ളിപറമ്പിൽ നാം ഇടക്കൊന്ന് പോകണം
പൊള്ളന്ന പാഠങ്ങൾ ഉള്ളിൽ കരുതണം
--------------------------------------
മുഹമ്മദ്‌ കുട്ടി അരീക്കൻ
No comments:
Post a Comment