പ്രവാസത്തിൽ നിന്നും ഉപ്പ നാട്ടിലോട്ടുള്ള വിരുന്നു വരവിൽ ചിലപ്പോയെല്ലാം ... ഉപ്പു രുചിയുള്ള തോടിന്റെ ഉള്ളിലുണ്ടാവ്‌ണ ഒരു കായ്‌ കൊണ്ടോരും... പിസ്ത എന്തോ എന്നായിരിന്നു അതിന്റെ പേരു... നിക്കു വല്ലാണ്ടിഷ്ടായിരുന്നതു... ഗൾഫിലുള്ളോരു പിസ്തയും ബദാമും ഒക്കെടാ തിന്നൽ അവിടെ നെല്ലും ഗോതമ്പും ഒന്നൂല്യല്ലൊ.. ബാല്യത്തിന്റെ പൊട്ടത്തരങ്ങളിൽ ഏതോ ഒരു ചങ്ങായി പറഞ്ഞതു... ന്നാലും ഈ വിധം സാധനങ്ങളൊക്കെ ഗൾഫിൽ തീരെ വിലയില്ലാത്തതാണു... ഇവിടെ നുമ്മളു കടല വാങ്ങി തിന്നുണ പോലെ അവിടോലു പിസ്തയും ബദാം തിന്നലു മറ്റൊരു ചങ്ങായി.. എന്നൊക്കെ മനസ്സിൽ ധരിച്ചു വച്ചിരുന്നെ... അതു വെച്ചു തന്നെ കൂട്ടുകാരൻ ഗൾഫീന്നു എന്താ വേണ്ടതെന്നു ചോയ്ച്ചു വിളിച്ചപ്പൊ ഞാൻ പറഞ്ഞതും പിസ്ത...
ഇന്നലെ യമനിയുടെ കടയിൽ പോയപ്പോ ഞാനാ സാധനം കണ്ടു... പിന്നെ ഒന്നും നോക്കീല്ല ബാബാ ബാക്കിയുള്ള നൊസ്‌ റിയാലിനു പിസ്ത നിറഞ്ഞു തുളുമ്പുന്ന ചില്ലരമാരയിലേക്കു ചൂണ്ടി പറഞ്ഞു... മൂപ്പരു ദഹിപ്പിക്കുന്നൊരു നോട്ടം നോക്കി... അഞ്ചു റിയാലിൽ കുറഞ്ഞു തരൂല്ല പോലും... ഹ്ം... അഞ്ചു റിയാലു ണ്ടായാൽ ഓരു ദിവസം ചിലവു കൈയാം തൽക്കാലം ന്റെ പിസ്ത പൂതി മടക്കി കീശയിൽ വെച്ചു....
നാട്ടീ പോവുമ്പോ കൊണ്ടോവാം... വീട്ടേർക്കു കൊട്ക്കും ചെയ്യാം... അതീന്നവരു കാണാതെ രണ്ടെണ്ണമെടുത്തു നമ്മളെ പൂതീ മാറ്റാം... നമ്മളിതൊക്കെ ദിവസം കഴിക്ക്ണ സാധനാ ന്നുള്ള കോലത്തിലു വീമ്പു നടിക്കേം ചെയ്യാം😜
-------------------------
അജ്‌മൽ പി. പി.
No comments:
Post a Comment