പുര കെട്ടൽ

➰➰➰➰➰➰➰
ഒരു കാലത്ത് നമ്മുടെ നാട്ടിലെ മിക്ക വീടുകളും ഒാല മേഞ്ഞതായിരുന്നു 
എല്ലാവർശവും മഴക്ക് മുൻപായി പുര നന്നാക്കി കെട്ടി മേയും
ചൂട് കാലത്ത് ആവീടിനുള്ളിൽ താമസിക്കാൻ തന്നെ നല്ല സുഖമായിരുന്നു

പുര കെട്ടുന്ന ദിവസം ഒരു ആഘോഷം തന്നെ യാവും പെരകെട്ട് കല്ലൃാണം എന്നായിരുന്നു പറഞ്ഞിരുന്നത് തന്നെ

പുര കെട്ടാനുള്ള ഒാല മുടഞ്ഞ് റെഡിയാകും തികയാത്തത് വാങ്ങാൻ കിട്ടുമായിരുന്നു 

അക്കാലത്ത് വിൽപനക്കായി ഒല മുടയുന്ന പതിവുണ്ടായിരുന്നു
വലിയ വീടുകൾ ഒാലമുടയാൻ പണിക്കാരെ തന്നെ വയ്കുന്ന ഏർപ്പാടുണ്ടായിരുന്നു
ഒാല ഇല്ലാത്തവർ അവിടെനിന്ന് വാങ്ങാറായിരുന്നു പതിവ്

ഒാലക്ക് മുകളിലായി പനപുല്ല് എന്ന്പേരുള്ള ഒര് തരം പുല്ല് കൊണ്ട് പൊതിയും

പുര കെട്ടുന്ന ദിവസം അയൽ വാസികളും കുട്ടികളും സഹായത്തിനുണ്ടാവും അന്ന് നല്ല പോത്ത് വിരട്ടിയതും കറുമൂസ കറിയും പപ്പടം പൊരിച്ചതും എല്ലാവർക്കും അവിടെ നിന്നാവും 
ആ ചോറിൻ്റയും കറിയുടെയും രുചി ഒന്ന് വേറെ തന്നെയായിരുന്നു

ഈ വീടുകൾ അധികവും
മൺകട്ട കൊണ്ടായിരുന്നു നിർമിച്ചിരുന്നത് 

കട്ട മുറിക്കുക എന്നായിരുന്നു അതിന് പറഞ്ഞിരുന്ന് 
കട്ട മുറിക്കാനായി രണ്ട് ദിവസം മുൻപ് തന്നെ നല്ല മണ്ണ് ചവിട്ടി കൂട്ടി പശയാകി കൂട്ടി യിടും 
അടുത്ത ദിവസം
 പൂളമരത്തിൻ്റെ തോല് ചതച്ച് കൊഴുപ്പാകി എടുക്കും 
കട്ട മുറിക്കാനായി മരം കൊണ്ടുണ്ടാകിയ ചതുരത്തിലുള്ള ഒരു പെട്ടിയും ഉണ്ടാവും അതിലേക് ചവിട്ടി പശയാകിയ മണ്ണും ഉണ്ടാകി വച്ച കൊഴുപ്പും കൂട്ടി മണ്ണ് ഇട്ട് മുകൾ ഭാഗം വടിച്ചടുക്കും 
അതിന് ശേഷം പെട്ടി പതുക്കെ വലിച്ചടുക്കും 
അങ്ങിനെ വരിവരിയായ് ഉണ്ടാകി വയ്ക്കും ഉണങ്ങിയതിന് ശേഷം ഇത് പോലെ കുഴച്ച മണ്ണുപയോഗിച്ച് ചുമര് പടുക്കലായിരുന്നു 

കട്ട മുറിക്കാനും പുര കെട്ടാനുമായി അതി വിദക്തരായ പണിക്കാർ തന്നെ നമ്മുടെ പ്രദേശത്ത് ഉണ്ടായരുന്നു

ഈ വീടിന് വലിയ ജനലുകൾ ഉണ്ടായിരുന്നില്ല  

ചുമരിന് മുകളിലായി നല്ല മണ്ണ് തന്നെ അരിച്ചടുത്ത് കൊഴുപ്പ് കൂട്ടി തേച്ചെടുത്തിരുന്നു അത് കാണാൻതന്നെ നല്ല ഭംഗിയുണ്ടാവും

ഇന്ന് അങ്ങിനത്തെ ഒരു വീട് കാണാൻ പ്രയാസമാണ് 

അക്കാലങ്ങളിൽ അയൽ പക്കങ്ങൾ തമ്മിൽ പരസ്പ്പര സഹകരണവും സാഹോദരൃവും നില നിന്നിരുന്നു 

മനുഷ്യർക്കിടയിൽ 
മതിലുകളില്ലാത്ത ബന്തമായിരുന്നു🔘
🍀🍀🍀🍀🍀🍀🍀🍀🍀
കുഞ്ഞഹമ്മദ് കൂട്ടി മാപ്പിളക്കാട്ടിൽ


<<<< അഭിപ്രായങ്ങൾ വായിക്കാൻ താഴെ കമ്മന്റ്  ക്ലിക്ക് ചെയ്യുക >>>>